Јохан Себастијан Бах
Јохан Себастијан Бах
Јохан Себастијан Бах (германски: Johann Sebastian Bach; Ајзенах, 31 март 1685 – Лајпциг. 28 јули 1750) — прочуен германски композитор и оргулист чии духовни и световни дела за хорови, оркестри и соло инструменти ги сплотуваат речиси сите аспекти на стилот на барокната музика доведувајќи ги до врвна точка на зрелост. Иако нема воведено нови музички форми, Бах го има збогатено германскиот музички стил со робусна, но магична контрапунктна техника, навидум лесна контрола на хармонска и мотивска организација од најмал до најголем размер, и адаптација на странски ритмови и текстури, особено италијански и француски. Бах се смета за еден од најголемите композитори во заради неговата моќна измазнетост на стилот и огромниот опус. Неговите дела се високо ценети за нивната интелектуална длабочина, техничка заповест и уметничка убавина: Некои од неговите најславни дела се: Бранденбуршки концерти, свитите и партитите за клавијатура, Мисата во ха-мол, Житието на Св. Матеј, Музички дар, Уметноста на фугата и голем број кантати, од кои денес се зачувани 220. Подолу можете да чуете еден пример за неговите стилистички карактеристики во хорот Ehre sei Gott in der Höhe од Божиќниот ораториум, напишан во 1734 год., во зрелиот период на неговото творештво.
| Јохан Себастијан Бах Johann Sebastian Bach | |
|---|---|
Портрет на Бах од Е.Г. Хаусман (1748)
| |
| Биографски податоци | |
| Родено име | Јохан Себастијан Бах |
| Познат и како | Бах |
| Роден | 31 март 1685 |
| Починал | 28 јули 1750 |
| Жанрови | барок |
| Занимања | композитор оргулист чембалист |
Коментари
Постави коментар